同個情感過分豐富既女朋友一齊，
心血少啲都會嚇死。
平日我既生活日常就係放工番屋企毒
有時睇下綜藝有時煲下劇有時上網睇故
前兩晚我又喺屋企煲劇睇故
點知劇個男配角死左 故個男女主角又殉情..
嗚呀我自己一個坐喺房入面好崩潰
忽然感到好傷心 好驚麥仔都會死..
係呀我情感真係好豐富
成日幻想啲劇情發生喺自己身上
特別係果啲男主角拋棄女主角呀男主角死呀病呀果啲
我就會上身 叫麥仔唔好死呀唔好掉下我呀
然後麥仔就會一臉茫然：下？
不過我諗麥仔已經習慣左我呢啲情感澎湃既Drama Queen
雖然間唔中佢都會畀我殺個措手不及 嚇到賴屎
而好多時見到佢賴屎 唔知點解有種莫名既興奮
大家一齊為我腦內自編自導自演既戲劇鼓掌
👏🏼👏🏼👏🏼👏🏼👏🏼👏🏼👏🏼
介紹番：好故推介《是咁的，我嘅職業係幫人寫遺書》
（自己上高登/紙言search啦，或者去 做金庸的男人 ）
Search